ТР Милли китапханәсендә балалар өчен яңа китап тәкъдим итәләр
ТР Милли китапханәсендә 14 мартта «Зилантлар гаиләсе» балалар китабын тәкъдим итү узачак. Авторлар белән очрашу 13:00 тә башланачак, дип хәбәр итә китапханәнең матбугат хезмәте.
Казанның легендар символы маҗаралары турындагы китапны хәзерге заман Казан авторлары Александр Демышев, Әлфия Таҗиева-Мусина һәм Сергей Межерицкий язган. Басмага рәсемнәрне Миләүшә Тукмакова иҗат иткән.
Очрашуда балалар һәм ата-аналар әсәрнең яңа геройлары белән таныша, басманың ничек төзелүен белә, авторларга сораулар бирә һәм автографлар алачак. Авторлар шулай ук атаклы Казан аждаһасы Зилант тормышы турында да сөйләячәк: аның гаиләсе бармы, әкият геройларының көндәлек тормышы ничек уза һәм аларга нинди маҗаралар белән очрашырга туры килә.
Әсәрдә тормышлары вакыйгалар, сәяхәтләр һәм көтелмәгән хәлләр белән тулы Зилантларның күп балалы гаиләсе турында сөйләнелә. Әкият сюжеты аша авторлар дуслык, үзара ярдәмләшү, өлкәннәргә хөрмәт һәм гаилә кыйммәтләре темаларын күтәрәләр. Чарада катнашу өчен теркәлү таләп ителә.