Уфада «Гали Чокрый һәм аның татар рухи мирасын формалаштырудагы роле» түгәрәк өстәле узды
Уфада туган якны өйрәнүчеләр, Уфа һәм Казан галимнәре катнашында «Гали Чокрый һәм аның татар халкының рухи мирасын формалаштырудагы роле» дигән түгәрәк өстәл узган. Бу хакта ТР Фәннәр академиясенең Шиһабетдин Мәрҗани исемендәге тарих институты телеграм-каналында хәбәр итә.
Чарада ТР Фәннәр академиясенең Шиһабетдин Мәрҗани исемендәге тарих институты галимнәре Рөстәм Әминов, Искәндәр Гайнуллин, Илнар Гарифуллин, Руслан Мәсәгутов һәм Эльмира Сәлахова катнашкан.
Фикер алышу барышында татар мәгърифәтчесе, тарихчы Гали Чокрыйның һәм аның нәселеннән булган атаклы татар шагыйре Әнгам Атнабайның мирасын өйрәнү мәсьәләләре күтәрелгән.
Туган якны өйрәнүчеләр Ш.Мәрҗани институтына соңгы елларда башкарган эшләре өчен рәхмәт белдергән һәм Татарстанның фәнни җәмәгатьчелеге белән киләчәктә хезмәттәшлек итү перспективалары турында тәкъдимнәрен әйткән.