Казанда яшәүче тыл хезмәтчәне Тамара Рябчиковага 100 яшь тулды
Казанда яшәүче тыл хезмәтчәне Тамара Петровна Рябчикова бүген 100 яшьлек юбилеен билгеләп үтә. Бу хакта ТР Хезмәт, халыкны эш белән тәэмин итү һәм социаль яклау министрлыгы матбугат хезмәтендә хәбәр иттеләр.
«Тамара Петровна 1926 елның 10 мартында ТАССРның Аксубай районы Биләр авылында туа. Мәктәп биш сыйныф тәмамлый. 1943 елда Казанга укырга җибәрәләр, шуннан соң Резина-техник эшләнәмәләр заводында эшли башлый», - дип белдерделәр матбугат хезмәтендә.
Тамара Петровна Казан Резина-техник эшләнмәләр заводында 42 ел хезмәт куя. Биредә төрле эшләр башкара, шуннан лаеклы ялга чыга. Хәзерге вакытта ялгызы гомер итә.