Сенатор 2026 елда иминият пенсиясен түләү шартларын атады
2026 елда 59 яшькә җиткән хатын-кызлар һәм 64 яше тулган ир-атлар картлык буенча иминият пенсиясен алу хокукына ия булачак. Сенатор, Псков өлкәсе буенча Социаль фонд бүлегенең элеккеге җитәкчесе Наталья Мельникова РИА Новости агентлыгы белән әңгәмәсендә шул хакта искәртте.
Парламентарий сүзләренчә, түләүләрне билгеләү өчен кимендә 15 ел рәсми стаж кирәк. Бу чорга хезмәткәрнең эш бирүче Россия Социаль фондына взнослар түләгән эшләгән еллары керергә тиеш. Шулай ук кимендә 30 индивидуаль пенсия коэффициенты таләп ителә.
Мельникова аңлатканча, стаж яки пенсия баллары җитмәгән очракта, гражданнар социаль пенсиягә дәгъва итә алачак. Әмма ул иминият пенсиясеннән биш елга соңрак билгеләнә.
Сенатор әйтүенчә, пенсиянең соңгы күләме иминият стажының дәвамлылыгына һәм түләнгән иминият взнослары суммасына турыдан-туры бәйле.