Казанда автоинспекторлар бензины беткән машинаны заправкага кадәр этеп барган
Казанда юл-патруль хезмәте инспекторлары бензины беткән автомобильне заправкага кадәр этеп барырга булышкан.
Татарстан Дәүләт автоинспекциясендә хәбәр итүләренчә, 9 февральдә автоинспекторлар Беломорская урамында патрульлек иткән һәм авария утларын кабызып, юл уртасында торган 10нчы модель «Лада» автомобилен күреп алган. Рульдә 25 яшьлек кыз булган, ул машинаның бензины бетүен әйткән. Якындагы АЗСка кадәр ул берничә метр барып җитә алмаган.
Инспекторлар тагын бер кеше ярдәмендә машинаны заправкага кадәр этеп барган, шуннан соң кыз хәрәкәтен дәвам иткән.