Татарстанда иртән иртүк пилотсыз очкыч һөҗүм итү куркынычы режимы кертелде
Татарстанда кабат «Пилотсыз очкыч һөҗүм итү куркынычы режимы» игълан ителде. Бу хактагы мәгълүмат Россия Гадәттән тыш хәлләр министрлыгының мобиль кушымтасында Мәскәү вакыты белән 14 февральдә 5.11 сәгатьтә чыкты.
Соңгы тапкыр пилотсыз очкыч һөҗүм итү куркынычы режимы республикада кичә, 13 февральдә кертелгән иде, ул дүрт сәгатьтән артык гамәлдә булды (Мәскәү вакыты белән 1.41 сәгатьтән 6.18 сәгатькә кадәр).