Россия Банкы төп ставканы 15,5 процентка кадәр киметте
Россия Банкының Директорлар советы 13 февральдә узган утырышта төп ставканы 50 базис пунктына – еллык 15,5 процентка кадәр киметте. Бу хакта регулятор хәбәрендә әйтелә.
Бу - 2025 елның 6 июнендә башланган акча-кредит сәясәтен йомшартуның агымдагы циклы кысаларында ставканың рәттән алтынчы тапкыр кимүе. Ул вакытта Үзәк банк өч елга беренче тапкыр ставканы берьюлы 100 базис пунктына, еллык 20 процентка кадәр төшерде.
Шуннан соң 25 июльдә Россия Банкы ставканы - 18 процентка, 12 сентябрьдә – 17 процентка, 24 октябрьдә – 16,5 процентка, 19 декабрьдә 16 процентка кадәр киметте. Гомумән алганда, цикл башыннан бирле күрсәткеч 5,5 процент пунктына – рекордлы 21 проценттан 15,5 процентка кадәр түбәнәйде.