2026 елда торак сертификатларына 10 млрд сум юнәлдереләчәк
РФ Хөкүмәте 2026 елда торак сертификатларын бүлүне раслады. Бу максатларга федераль бюджеттан 10 млрд сумнан артык акча җибәреләчәк, диелә рәсми сайтта. Боерыкны премьер-министр Михаил Мишустин имзалады.
«Сертификатлар гражданнарга барлык кирәкле социаль инфраструктура белән җиһазландырылган торак пунктларга күчеп торак шартларын яхшыртырга яки алар яшәгән шәһәрләрдә уңайлырак фатирлар алырга мөмкинлек бирә», - дип билгеләп үтелә хәбәрдә.
Торак белән тәэмин итү федераль законда каралган аерым категория гражданнар ярдәмгә өметләнә ала. Алар арасында – Чернобыльдән зыян күрүчеләр, мәҗбүри күченүчеләр, Байконурдан күчеп килүче гражданнар, ерак төньяк районнары һәм ябык административ-территориаль берәмлекләр халкы, шулай ук хәрби хезмәткәрләр, Эчке эшләр органнары һәм гадәттән тыш хәлләр министрлыгы хезмәткәрләре.
«Гамәлдәге нормативлар буенча торак шартларын яхшыртуга мохтаҗ булганнарга ярдәм каралган», – дип ачыклык керттеләр Хөкүмәттә.