Путин Россия халыклары әдәбияты шедеврларын бастыру проектын гамәлгә ашырырга йөкләде
Россия Президенты Владимир Путин ил Хөкүмәтенә Россия халыклары әдәбиятының классик әсәрләре сериясен рус теленә тәрҗемә итеп чыгару буенча Россия Фәннәр академиясенең дөнья әдәбияты Институты проектын гамәлгә ашыруны тәэмин итәргә йөкләде. Бу хакта Кремль сайтында хәбәр ителә.
Хөкүмәткә йөкләмәне үтәүдә Президент каршындагы рус теленә һәм РФ халыклары телләренә ярдәм итү өлкәсендә дәүләт сәясәтен гамәлгә ашыру советы ярдәм итәргә тиеш.
Җаваплы итеп РФ вице-премьеры Татьяна Голикова билгеләнде. Проектны гамәлгә ашыру турында ул беренче тапкыр 2026 елның 1 декабренә кадәр хисап тотарга тиеш, ә аннан соң аңа ел саен докладлар тапшырырга кирәк.