Риелтор: Яңа йорт вакытында тапшырылмаганда компенсация алу мөмкинлеге бар

Әгәр яңа төзелешне тапшыру тоткарланса, өлешләп төзелештә катнашучы торак арендасына тоткан чыгымнарын компенсацияләүне таләп итәргә хокуклы. Россия риелторлар гильдиясе вице-президенты Андрей Банников «Радио 1» белән әңгәмәдә шулай дип белдергән.

Белгеч фикеренчә, төзүчеләр хәзер объектларны тапшыру срокларын үтәүгә игътибарлырак була башлаячак, әмма практиканы кардиналь үзгәртү турында сөйләргә әле иртәрәк.

Шул исәптән, судка аренда килешүен бирү генә җитәрлек булмаячак. Торак арендасы мәҗбүри һәм бердәнбер мөмкин булган чара икәнен исбатларга кирәк булачак.

Фатирны теркәлү урыны (прописка) белән туры килмәгән төбәктә сатып алганда һәм компенсация алырга тырышканда, төзелеш алып барыла торган федерация субъекты территориясендә эшкә урнашу төп дәлил булырга мөмкин.

Эксперт сүзләренчә, өлешләп төзүдә катнашучыларның хокуклары 214 нче номерлы федераль закон белән шактый җентекләп яклана, ә объектларны тапшырудагы тоткарлыклар төзүчеләргә болай да зыян китерә. Әмма суд тикшерүләре вакыт, акча һәм түземлек таләп итә – димәк, барлык сатып алучылар да бу юл белән барырга әзер түгел.

Риелтор фатирны кабул итү-тапшыру акты буенча кабул итеп алган очракта, сроклар буенча дәгъваларның тәмамлануын искәртә. Моннан соң төзүче белән судлашып булмаячак.

Россия риелторлар гильдиясе вице-президенты белдерелгәнчә, срокларга сыешмый торган төзелешләр өлеше якынча 5 процент тәшкил итә. Һәм бүгенге көндә өлешләп төзүдә катнашучылар белән төзүчеләр арасындагы суд тикшерүләренең төп сәбәбе срокларны бозу түгел, ә төзелешнең сыйфаты булып кала, дип өстәде.

РФ Югары суды карары мөһим прецедент тудыра, әмма чыгымнарны автомат рәвештә каплауны гарантияләми. Һәр очрак, барлык хәлләрне исәпкә алып, индивидуаль рәвештә каралачак, дип нәтиҗә ясады Андрей Банников.