Россиялеләрне алдауның яңа схемасы турында кисәттеләр
Россиялеләрне үзләрен «Дәүләт хезмәтләре» дип таныткан мошенникларның яңа схемасы турында кисәттеләр. Җинаятьчеләр хәбәрләрнең логотибын һәм стилен күчереп кенә калмый, ә хәзер корбаннарга куркынычсызлык иллюзиясен булдыру һәм кулланучыларны ялгыш юлга кертү өчен СМСтан кодларны тапшырмаска киңәш итә.
«Челтәрдә янәсе «дәүләт хезмәтләреннән» дип ялган смслар тарату очраклары ешайды. Мошенниклар охшаш логотиплар, шәхси мөрәҗәгать кулланалар һәм хәтта смс кодларын беркемгә дә хәбәр итмәскә киңәш итәләр. Тик бу алдау сценариеның бер өлеше генә», – диелә РФ Эчке эшләр министрлыгының Санкт-Петербург һәм Ленинград өлкәсе буенча мәгълүмати-коммуникацион технологияләрне хокукка каршы куллануга каршы көрәш идарәсе Телеграм-каналында.
Ведомствода искә төшерүләренчә, порталдан рәсми хатлар бер адрестан гына килә – no-reply@gosuslugi.ru, аңа җаваплар кабул ителми. Әгәр хат электрон почта яки «техник ярдәм» контактларын яңартуны таләп итә икән, аны игътибарсыз калдырырга кирәк.
Россиялеләргә шулай ук беркайчан да шикле сылтамалар буенча күчмәскә һәм мондый хатлардан номерларга шалтыратмаска киңәш иттеләр. «Хатны ачу алдыннан җибәрүченең адресын һәрвакыт тикшерегез», - дип билгеләделәр ведомтсведа.
Әлеге ярдәм хезмәте белән элемтә өчен бары тик рәсми сайт яки «дәүләт хезмәтләре» кушымтасын гына кулланырга киңәш ителә.