Актаныш районы Тыңламас авылының хоккей командасы Башкортстанның Илеш районы Кужбахты авыл җирлегендә махсус хәрби операция барышында һәлак булган якташларыбызга багышланган хоккей турнирында катнашты. Бу хакта «Актаныш» сайтында Ләйсән Газизова яза.
Бу чара спорт вакыйгасы гына түгел, ә барыбызның да тынычлык һәм илебез иминлеге өчен гомерләрен биргән яугирләребезгә хөрмәт һәм истәлек билгесе дә булды.
Уен нәтиҗәләренә килгәндә, Тыңламас командасы бирешмәде, алкалы хоккейда матур уен күрсәтеп 1 урынны яулады.
«Оештыручылар барлык катнашучыларга, тамашачыларга шундый мөһим максатны күздә тоткан спорт ярышына килгән һәркемгә рәхмәт белдерде. Авыл спортчыларының тырышлыгы һәм ярдәме безнең геройларыбыз турында истәлекләрне хәтердә тотарга, сакларга ярдәм итә», – диелгән хәбәрдә.
