Агымдагы елда илнең әйдәп баручы банклары россиялеләргә социаль кертемнәр рәсмиләштерү мөмкинлеген тәкъдим итәргә җыена. Бу хезмәт хаклары түбән булган кешеләргә керемнәрен арттырырга мөмкинлек бирәчәк. Бу хакта 4 гыйнварда Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб белдерде. «Известия» шул хакта яза.
Социаль кертемнәр отышлырак процент белән рәсмиләштереләчәк, бу аз керемле гражданнарга тупланган акчадан шактый зур табыш алырга мөмкинлек бирәчәк.
«Бу бик яхшы идея, чөнки чыннан да россиялеләргә акча җыярга мөмкинлек бирәчәк һәм шуның белән бүген Россия йорт хуҗалыкларында формалашкан проблемаларны хәл итүдә булышачак» - дип Lenta.ru. аның сүзләрен китерә.
«Российская газета» Россиянең иң зур банклары 2025 елның 1 июленә кадәр социаль кертем буларак билгеле булган яңа финанс инструменты системасын эшләтеп җибәрергә ниятләвен хәбәр иткән иде. Мондый механизм аз керемле кешеләр өчен эшләнгән. Аның буенча ставка башка, гадәти кертемнәргә караганда, отышлырак булачак, ә аның суммасы 50 мең сумнан артмаска тиеш, дип билгеләп үтелә.
