2026 елның 1 июненә Россиядә мәктәп укучылары өчен рус теле һәм әдәбияты дәреслекләренең бердәм линейкасын әзерләргә тиешләр. РФ Президенты Владимир Путин шундый күрсәтмә бирде. Исемлек Кремль сайтында урнаштырылган.
Ачыклап үтелгәнчә, дәреслекләрнең бердәм дәүләт линейкасын булдырудан тыш, Россиядә рус теле буенча сүзлекләр дә әзерләнәчәк һәм алар төп укыту әсбаплары комплектына керәчәк.
Президент күрсәтмәсен гамәлгә ашыру өчен РФ Хөкүмәте һәм Телгә ярдәм итү өлкәсендә дәүләт сәясәте советы җавап бирә. Алар шулай ук ярдәмгә әйдәп баручы университетларны һәм башка кызыксынган оешмаларны да җәлеп итә ала.
Күрсәтмәнең вакытында үтәлеше өчен Россия Хөкүмәте башлыгы Михаил Мишустин һәм тел советы рәисе, Президент киңәшчесе Елена Ямпольская җаваплы.
Мәгариф министрлыгына шулай ук 2025 елның 1 июненә кадәр – бүгенге көн язучыларының патриотик әдәбиятын сыйныфтан тыш уку өчен тәкъдим ителгән әсәрләр исемлегенә кертүне күздә тотарга, ә 1 октябрьгә кадәр РФ республикалары дәүләт телләре буенча мәктәп дәреслекләре бердәм дәүләт линейкасын булдыру мәсьәләсен карарга кушылган.
