Казан халыкара аэропортында икенче көн рәттән чикләүләр кертелде. Аэродром вакытлыча авиарейслар кабул итми һәм җибәрми, дип хәбәр итә Росавиация.
«Гражданнар һава суднолары очышларының иминлеген тәэмин итү өчен Мәскәү вакыты белән 06:00 сәгатьтән Казан аэропорты эшенә вакытлыча чикләүләр кертелде», - диелә хәбәрдә.
Томск, Сургут һәм Кемероводан Казан аэропортына килүче авиарейслар Түбән Камадагы Бегишево запас аэродромына җибәрелгән.
Самолет экипажлары, авиадиспетчерлар һәм аэропорт хезмәтләре очышларның иминлеген тәэмин итү өчен барлык кирәкле чараларны күрә, дип өстәделәр Росавиациядә.
