Синоптиклар фаразлавынча, якындагы тәүлектә Татарстанда көчле бозлавык, урыны белән томан, бераз кар һәм секундына 12 метрга кадәр тизлек белән исүче җил көтелә.
Көчле бозлавык булу сәбәпле, республика Дәүләт автоинспекциясе автомобиль йөртүчеләрне шәхси транспортта хәрәкәт итүдән баш тартырга һәм җәмәгать транспортыннан файдаланырга чакырды.
Моңарчы «Татар-информ» Татарстанның Чистай районында «ГАЗель» йөртүчесе каршы як полосага чыгып Shacman йөк машинасына бәрелү турында хәбәр итте. Юл-транспорт һәлакәтендә «ГАЗель»нең бер пассажиры үлгән, машина йөртүче белән икенче пассажир хастаханәдә.
