Бүген, Энергетиклар көне алдыннан, ТР Дәүләт Киңәшчесе, «Яңарыш» Республика фонды рәисе Минтимер Шәймиев Казан Кремлендә «Сетевая компания» ААҖ генераль директоры Илшат Фәрдиев белән очрашты.
ТР Хөкүмәте сайтында хәбәр ителгәнчә, Шәймиев Фәрдиевне һөнәри бәйрәме һәм Татарстанның энергия системасындагы эшчәнлегенең 25 еллыгы белән дә котлады.
Ул шулай ук 2022 елда «Яңарыш» республика фондының «Сетевая компания» ААҖ ярдәме белән «Кара пулат» опера-легендасын Болгардагы Кара палата фонында ачык һавада күрсәтү идеясен гамәлгә ашыруын искәртте. «Сетевая компания» борынгы һәйкәл диварларында яктылык визуализациясе эффектын тудыра торган уникаль аппаратураның өзлексез эшләвен тәэмин итте. Тамашачылар үтенече буенча, «Кара пулат» спектакле 2023 һәм 2024 елның җәендә күрсәтелде.
Шәймиев шулай ук Фәрдиевка «Яңарыш» республика фонды Рәхмәт хатын һәм Хәйриячеләр китабын тапшырды.
Фәрдиев исә, үз чиратында, Шәймиевка «Сетевая компания»нең 2024 елдагы эшчәнлеге нәтиҗәләре турында сөйләде.
«Узган, 2023 ел белән чагыштырганда, 2024 елда электр энергиясен куллану үсеше 5 процентка арткан. Бу зур компанияләр, КАМАЗ, нефть химиясе, металлургия һәм автомобиль төзелеше. Ягъни үсеш бик зур, Татарстан барлык төбәкләр арасында электр энергиясен куллану өлкәсендә лидер булып тора. Быел 20 млрд кВт/сәгатьтән артык электр энергиясе кулланылды», - диде ул.
