Россиядә түрәләр еш кына, бәхәсле урыннарны хәл итү һәм артык бюрократик тоткарлыклардан качу өчен, еш кына бурычларны ил Президенты йөкләмәләре аша куюны сорый. РФ Президенты Владимир Путин туры элемтә вакытында шулай дип белдерде.
«Эш шунда, карар кабул итү процессы гади түгел. Һәм сорау миңа килеп җитә, бу, кагыйдә буларак, мәсьәләне хәл итү буенча төрле карашлар булган очраклар. Йөкләмәләр нәрсәнедер ачыклау өчен кирәк. Хөкүмәттә әйтүләренчә, ниндидер мәсьәләне хәл иткән вакытта бәхәс, аерма бар. Ул чагында коллегалар, миңа килеп, хәлиткеч карар кабул итүне сорый», - дип ачыклык кертте Путин.
«Бернәрсә дә онытылмасын өчен, йөкләмә бирүне сорыйлар. Һәм барысы да эшли башлый», - дигән ышаныч белдерде дәүләт башлыгы.
Аның әйтүенчә, барлык яклар да ниндидер карар белән риза булгач, йөкләмә кайвакыт бюрократик тоткарлыклардан коткарырга һәм проект буенча эшли башлауны шактый тизләтергә мөмкин.
