Дәүләттә бар да тыныч, тотрыклы булганда, күңелсез була башлый, һәм күңел хәрәкәт («движуха») сорый башлый. РФ Президенты Владимир Путин туры элемтәне шундый сүзләр белән башлады.
«Хәрәкәт башлануга, чигә тирәсендә сызгырган тавышлар була. Әйе, хәзер пулялар сызгырып уза, куркыныч та кебек. Әмма бу бөтенләй коточкыч түгел. Бар да икътисад белән үлчәнә», - диде Путин, алып баручының Россиянең ничек нык торып, үсешен дәвам итә алуы турындагы соравына җавап биреп.
Владимир Путин бүген туры элемтә белән берләштерелгән зур матбугат конференциясендә узып баручы елга йомгак ясый. Студиягә Россия һәм чит ил журналистлары чакырылган.
