Бүген Татарстан Рәисе Рөстәм Миңнеханов Казанга Минск автомобиль заводы җитештергән яңа троллейбуслар тапшыру тантанасында Белоруссиядә булачак Президент сайлаулары турында әйтте һәм дәүләтнең гамәлдәге президенты Александр Лукашенконы хуплады.
МАЗның генераль директоры Валерий Иванкович Рөстәм Миңнехановка хезмәттәшлек билгесе буларак символик ачкыч тапшырды, белорусларның Татарстанны һәрвакыт хөрмәт итүен һәм яратуын, дустанә мөнәсәбәтләрнең үзгәрешсез булуын әйтте.
«Сезнең анда Президент сайлаулары. Истә тотыгыз – яхшы тавыш бирергә кирәк. Кирәк булса без дә барабыз, тавыш бирәбез», – дип шаяртты Татарстан Рәисе.
«Минск автомобиль заводы һәрвакыт әзер, Президентны гел хуплый», – диде Валерий Иванкович.
«Александр Григорьевичны хуплыйбыз, әйеме?» – дип риторик сорау бирде Рөстәм Миңнеханов, Белоруссия Президентын « якын кешем» һәм «өлкән иптәшем» дип атады. «Татарлар бүтән участокта тавыш бирү талоннарын алып килергә уйлый дип әйтегез», – диде Рөстәм Миңнеханов юмор белән.
МАЗ җитәкчесе Татарстан Рәисе әйткән сүзләрне Александр Лукашенкого һичшиксез тапшырырга вәгъдә итте һәм белоруслар исеменнән татарстанлыларга ярдәм итәргә әзер булуын әйтте.
Белоруссия Президентын сайлаулар 2025 елның 26 гыйнварына билгеләнгән.
