Россия Президенты Владимир Путин белән туры элемтәгә мөрәҗәгатьләр саны 800 меңнән артып киткән, дип хәбәр итә «Вести» Халык фронтының Telegram-каналдагы мәгълүматларына сылтама белән. Бу хакта РИА Новости агентлыгы яза.
«Мәскәү вакыты белән 12.00 сәгатькә «Владимир Путин белән туры элемтә»гә 818 154 мөрәҗәгать килгән», - диелә материалда.
Путин үзе 11 декабрьдә ясалма интеллект өлкәсендәге эшләнмәләр күргәзмәсе белән танышканда хәбәр иткәнчә, яңа технологияләр ярдәмендә ул инде нинди сорауларга әзерләнергә кирәклеген белми дә. Президент сүзләренчә, россиялеләрне күбесенчә торакның сыйфаты һәм үтемлелеге, транспорт инфраструктурасы, медицина, дәүләт структуралары һәм оешмалары, пособиеләр кызыксындыра.
Быел матбугат конференциясе белән берләштерелгән туры элемтә 19 декабрьдә узачак – «Владимир Путин белән ел нәтиҗәләре» программасы Мәскәү вакыты белән 12.00 сәгатьтә эфирга чыга.
Россиялеләр үз сорауларын 8-800-200-40-40 телефоны буенча, СМС, социаль челтәрләр аша, махсус сайтта яки мобиль кушымта аркылы калдыра ала. Сорауларны җыю 8 декабрьгә каршы төндә башланды. Беренче тапкыр җәлеп ителгән ясалма интеллект мәгълүматларның зур күләмен эшкәртергә ярдәм итә.
