Татарстанның Сарман муниципаль районы башлыгы Фәрит Хөснуллин махсус хәрби операция зонасындагы якташларының хәлен белүне дәвам итә.
Хәрбиләр аны алгы сызыкта үзләренең көнкүреше, яшәү шартлары белән таныштырды. Фәрит Хөснуллин аларның һәркайсына район, туганнары һәм якыннары, битараф булмаган якташлары, эшкуарлар, фермерлар җибәргән посылкаларны тапшырды.
Район башлыгы шулай ук хәрбиләргә ярдәм күрсәтүдә үз өлешен кертүче һәркемгә зур рәхмәт белдерде.
Элегрәк ТР Рәисе Рөстәм Миңнеханов Татарстан Дәүләт Советына еллык Юлламасында махсус хәрби операциядә катнашучыларга ярдәм күрсәтүдә мөһим өлеш керткәннәре өчен волонтерларга рәхмәт белдергән иде.
«Кешеләр моны үз тирәсендә шундый ук битараф булмаган гражданнарны берләштереп, фикердәшләрдән тулы бер командалар туплап ихлас күңелдән һәм чын йөрәктән эшли», - дип искәртте республика җитәкчесе.
2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча бирелә. Акчаның күләме арту республикада түләүләр күтәрелүгә бәйле.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.
