Татарстан Милли музее һәм аның филиалларында балалар һәм яшүсмерләр өчен Яңа ел программасы әзерләнгән. Бу хакта музейның матбугат хезмәте хәбәр итә.
«16-29 декабрьдә Татарстан Милли музеенда кече мәктәп укучылары өчен яңа ел тамашасы була. Киләсе елга музейның түгәрәк датасы – 130 ел, һәм балалар үткән заманга юл тотачак. Анда кунак йорты тарихы белән танышачаклар, милли музейның 130 ел элек ничек эшли башлаганын һәм ул вакытта ничек аталганын беләчәкләр. Тамаша музейның фәнни хезмәткәрләре әзерләгән махсус күргәзмәдә була. Ел саен төрле Яңа ел күргәзмәсе тамашаның декорациясенә әверелә», - дип хәбәр итә матбугат хезмәте.
16-29 декабрьдә Яшүсмерләр өчен музей экспозициясе буенча Алиса Селезневаның галәм сәяхәтләре стилендә «Өченче чор сере» квест-уены үткәрелә. Уенның сюжеты Кир Булычев әсәрләренә нигезләнгән.
19-29 декабрьдә Евгений Боратынский музеенда кече мәктәп укучылары өчен «Боратынскийлар йортында Раштуа» программасы була, анда XIX гасыр ахыры дворян чыршыларының үзенчәлекле реконструкциясе күрсәтеләчәк.
Декабрь уртасыннан гыйнвар уртасына кадәр Горький һәм Шаляпин музеенда укучылар өчен «Горький чыршылары» тамашасы үткәрелә. «Гасыр башында Түбән Новгородта Алексей Горький балалар өчен Яңа ел тамашаларын оештырган, соңрак ул аның исеме белән атала башлаган. Программада Яңа ел сюрпризлары, музей дөньясы белән танышу һәм икмәк пешерү буенча мастер-класс, һәркем үзе белән яңа пешкән күмәч алып китәчәк.
17 декабрьдә -7 гыйнварда Габдулла Тукай әдәби музеенда мәктәпкәчә яшьтәге балалар һәм кече яшьтәге балалар өчен татар һәм рус телләрендә «Яңа ел кайчан туган?» программасы тәкъдим ителә. Балалар йөз ел элек Яңа елны ничек бәйрәм иткәннәрен, бер-берсенә нинди бүләкләр биргәннәрен, нинди уеннар уйнаганнарын беләчәк.
20-29 декабрьдә Ленин музей-йортында студентлар һәм өлкән сыйныф укучылары өчен өйдә үткәрелгән мәҗлесләр стилендә «Орловларның борынгы утарында Раштуа бәйрәмнәре» узачак. Ульяновлар һәм Орловлар гаиләләре мисалында Раштуаны бәйрәм итү традицияләре белән таныштырачаклар, диелә хәбәрдә.
