Татарстанда декабрьнең беренче декадасында уртача температура климатик нормадан өч градуска югары булачак. ТР Гидрометеорология һәм әйләнә-тирә мохитне күзәтү идарәсе шул хакта фаразы белән уртаклашты.
Республика өчен тулаем алганда 1-10 декабрьдә климатик норма – 7,4 градуска, ә Казан өчен -6,4 градуска тигез. Шул рәвешле, уртача температуралар -4,4 һәм -3,4 градус тәшкил итәчәк.
Элегрәк ТР Гидрометеорология һәм әйләнә-тирә мохитне күзәтү идарәсе тулаем алганда декабрь дәвамында Татарстанда һава температурасы климатик нормадан югары булачагы, ә явым-төшем нормага туры киләчәге хакында хәбәр иткән иде.
РФ Гидрометеоүзәге мәгълүматлары буенча, декабрь Идел буе федераль округының калган төбәкләрендә дә нормадан җылырак булачак.
