Казандагы саммит нәтиҗәләре буенча БРИКС партнерлары статусын алачак илләрнең тулы исемлеге ел ахырына кадәр халыкка хәбәр ителәчәк. Бу хакта РФ Тышкы эшләр министры урынбасары Сергей Рябков ТАСС белән әңгәмәсендә сөйләде.
«Ел ахырына кадәр, Россия рәислеге азагына кадәр, без БРИКС партнерлары булачак илләрнең тулы исемлеген халыкка җиткерергә исәп тотабыз», — дип билгеләде дипломат.
«Мин хәзер теге яки бу илләр буенча конкрет рәвештә үз фикеремне әйтә алмыйм, чөнки бу, асылда, БРИКСның башка катнашучылары белән килештергән һәм без Казаннан соң бөтен вакыт дәвамында тоткан линияне кире кагу булачак», — дип ачыклык кертте Рябков.
БРИКСның 16нчы саммиты Татарстан башкаласында 22-24 октябрьдә узды. Аның барышында партнер ил статусын 13 дәүләткә тәкъдим итте: Алжир, Беларусь, Боливия, Вьетнам, Индонезия, Казахстан, Куба, Малайзия, Нигерия, Таиланд, Төркия, Уганда һәм Үзбәкстан.
РФ Президенты Владимир Путин элегрәк аңлатканча, БРИКС партнер - дәүләтләренең тулы исемлеге алар җибәргән чакыруларга уңай җавап биргәннән соң бастырылачак.
