Екатеринбургта күренекле шагыйрь һәм язучы Мостай Кәрим иҗатына багышланган беренче шәһәр сәнгатьле укучылар бәйгесе уза. Бу хакта «ВКонтакте» социаль челтәрендә Свердловскиның «Яшен» төбәк татар оешмасы хәбәрендә әйтелә.
Конкурс ике этапта үткәрелә:
1. Читтән торып: Мостай Кәрим әсәрен сәнгатьле укып видео төшерергә кирәк. Гаризалар 30 ноябрьгә кадәр кабул ителә.
2. Финал: Беренче этапта сайлап алу узган катнашучылар жюри һәм тамашачылар алдында чыгыш ясау өчен җыела.
Бәйге «Мостай Кәрим - башкорт телендә», «Мостай Кәрим - татар телендә» һәм «Мостай Кәрим - рус телендә» номинацияләре буенча уза.
Конкурста Екатеринбург территориясендә яшәүче һәркем катнаша ала. Анда барлык яшьтәге һәм әзерлек дәрәҗәсендәге катнашучыларны көтеп калалар.
Яшь категорияләре: 5 яшьтән башлап һәм олырак, шулай ук тәҗрибәсе һәм таланты белән бүлешергә әзер булганнар өчен махсус 50+ категориясе.
Җиңүчеләр һәм призерларга – дипломнар һәм бүләкләр, ә аларның остазларына Рәхмәт хатлары тапшырылачак, диелә хәбәрдә.
