Иртәгә, 28 ноябрьдә, Татарстанда янә көчле томан төшәчәк һәм бу күз күременең сизелерлек начараюына китерәчәк. ТР Гидрометеорология һәм әйләнә-тирә мохитне күзәтү идарәсе шул хакта кисәтә.
Республика һәм Казанда пәнҗешәмбе төнендә дә, көндез дә урыны белән томан көтелә. Шуның аркасында күз күреме 500 метрга кадәр начараячак.
Моннан тыш, төбәк территориясендә кайбер урыннарда бозлавык барлыкка килергә мөмкин, дип өстәде синоптиклар.
Элегрәк «Татар-информ» агентлыгы Татарстанда аномаль җылылыкны -12 градуска кадәр җиткән төнге салкыннар алыштырачагы һәм республикада төннәрен томан төшәчәге хакында хәбәр иткән иде.
