Татарстан делегациясе «Мөмкинлекләр дөньясы: Россия — АСЕАН» I халыкара бизнес-форумында катнашты. Бу хакта ТР Сәнәгать һәм сәүдә министрлыгы матбугат хезмәтендә сөйләделәр.
Куала-Лумпурда Татарстанны республика Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы җитәкчесе Айрат Хәйруллин, Татарстан сәнәгать һәм сәүдә министрының беренче урынбасары Родион Карпов, IT-компанияләр җитәкчеләре һәм башкалар тәкъдим итте.
«Россия һәм АСЕАН илләре: сәүдә-икътисади хезмәттәшлекнең яңа этабына» пленар сессиясендә Карпов катнашучыларга республиканың сәнәгать потенциалын тәкъдим итте һәм анда катнашучыларны Татарстанда булачак халыкара вакыйгаларга чакырды.
ТР Сәнәгать һәм сәүдә министрлыгы мәгълүматлары буенча, соңгы елларда Татарстан Малайзиягә нефть химиясе продукциясен экспортлый. Республика киләчәктә хезмәттәшлекне киңәйтү һәм инвестицияләр җәлеп итү белән кызыксына.
Августта Татарстан Рәисе Рөстәм Миңнеханов җитәкчелегендәге Татарстан делегациясе Куала-Лумпурга эш сәфәре белән барды, ә октябрьдә Малайзия делегациясе Казанда БРИКС саммитында катнашты.
Чара «Халыкара кооперация һәм экспорт» илкүләм проектының максатларына ирешүгә ярдәм итә.
