Татарстан Премьер-министры урынбасары Ләйлә Фазлыева республиканың барлык аналарын Әниләр көне белән котлады.
«Кадерле әниләр! Сезне чын йөрәктән Әниләр көне белән тәбрик итәм!» - дип искәртте ул.
«Әни – иң якын һәм кадерле кеше. Ул безне яхшылыкка өйрәтә, кайгыртучанлык һәм җылылык бүләк итә», - диде ТР вице-премьеры.
«Ана мәхәббәте безне рухландыра, тормыш юлында иң катлаулы киртәләрне җиңәргә ярдәм итә», - дип искәртте Фазлыева.
«Ана - мәңгелек кыйммәтләр, зирәклек һәм рухи юмартлык символы. Ана – гаилә учагын саклаучы, гаилә традицияләре таянычы, ышанычлы терәк һәм тыл», - дип өстәде ул.
«Бәйрәм көнендә уллары бөек илебезнең тыныч киләчәге, бөтенлеге, иминлеге өчен көрәшүче барлык аналарга аерым рәхмәт белдерәм. Алдыгызда түбәнчелек белән баш иям!» - диде Ләйлә Фазлыева.
«Кадерле әниләр, сезгә өзлексез хезмәтегез, йомшак кулларыгыз һәм олы йөрәкле булуыгыз өчен рәхмәт! Сезгә сәламәтлек, озын гомер, иминлек, мәхәббәт һәм шатлык-куанычлар телим!» - дип сүзен төгәлләде ТР Премьер-министры урынбасары.
