Төмән өлкәсенең татар яшьләре форумы узды. Ул «Яшь буын» оешмасының 25 еллык юбилее уңаеннан үткәрелде. Анда Бөтендөнья татар яшьләре форумының сүзчесе Амил Нур катнашты. Бу хакта Бөтендөнья татар конгрессы матбугат хезмәте хәбәр итә.
Үз чыгышында ул төбәкләрдә милли мәнфәгатьләрне яклау, телне саклау өчен көч кенә түгел, батырлык та кирәклеген әйтте һәм рәхмәт әйтеп котлады.
Төмән өлкәсендә еллар буе татар мәдәниятен һәм телен үстергән «Яшь буын» җитәкчесе Фәрид Корманов, Ләйсән Госманова, Анжела Галиуллина, Вәкил Тилимбаев, Рузалия Нуруллина, Динә Рамазанова, Лилия Зарипова, Эмиль Камалов, Гөлфия Хәмидуллина, Роберт Сабиров, Гүзәл Хәлиловага ТР Премьер-министры урынбасары, Бөтендөнья татар конгрессының Милли шура рәисе Васил Шәйхразыев исеменнән Рәхмәт хатлары һәм бүләкләр тапшырылды.
