2024 елның беренче сигез ае нәтиҗәләре буенча, Татарстанда халыкның табигый кимүе, 2023 елның шушы чоры белән чагыштырганда 63 проценттан зуррак күрсәткечкә арткан (2023 елда – 4232, быел – 6929 кеше) арткан. Әлеге мәгълүматлар Татарстанстатның республикада социаль-икътисади хәл турындагы докладында чыкты.
Нәтиҗәдә, төбәк буенча бу күрсәткеч бер ел эчендә бер мең кешегә -1,6дан -2,6га кадәр арткан (әмма бу гыйнвар-июль нәтиҗәләренә караганда кимрәк).
Гыйнвар-август айларында Татарстанда 23 340 бала туган, бу 2023 елның шушы чоры белән чагыштырганда, 803кә кимрәк. Шул ук вакытта августта туучылар саны кимү темплары 2024 елның беренче җиде ае нәтиҗәләре буенча 2,2 проценттан 3,3 процентка кадәр арткан.
Республикада 30 269 үлем очрагы теркәлгән, бу 2023 елның гыйнвар-август айларына караганда 1894 очракка артык. Үлем очраклары арту темплары үзгәрмәгән – 6,5 процент. Узган ел белән чагыштырганда, яңа туган балалар үлеме 75тән 67гә төшкән.
Бер мең кешегә туучылар саны күрсәткече узган елның беренче сигез аенда 9,1дән 8,8гә кадәр кимегән (агымдагы елның беренче җиде ае нәтиҗәләре буенча ул 8,7гә тигез), ә үлүчеләр саны 10,7 дән 11,4 кә кадәр арткан.
Моңа кадәр Татарстан 2024 елның гыйнвар - июль айлары йомгаклары буенча туучылар саны буенча лидер төбәкләр рәтенә кергән иде.
