Әлмәт табиблары юл-транспорт һәлакәтенә эләккән чит ил кешесенә күрсәткән ярдәмнәре өчен Үзбәкстан генераль Консуллыгыннан рәхмәт хаты алды. Хат Татарстан рәисе Рөстәм Миңнеханов исеменә килә. Бу хакта «Әлмәт таңнары» газетасы яза.
Авария 2024 елның сентябрендә Азнакай районында була. Үзбәкстанда туган кешене Әлмәт районара күп профильле хастаханәсенә китергәннәр. Дәвалау чит ил пациентының сәламәтлеге торышын шактый яхшырта.
«Хатта «Әлмәт күп профильле хастаханәсенең ның баш табибы Гөлсинә Шәмсиева, табиблар Илсөяр Закирова, Илдус Мостафин, Альберт Кәримов, Рәшит Нуруллинның роле аеруча югары бәяләнде. Ярдәм күрсәтүдә ярдәм иткән башка вазифаи затларына да рәхмәт белдерелде», – дип хәбәр итә Әлмәт хастаханәсе матбугат хезмәте.
Моннан тыш, Генераль консул Нодиржон Касыймов югары квалификацияле ярдәм, игътибарлы мөнәсәбәт һәм күрсәткән ярдәмнәре өчен барлык персоналга рәхмәт белдерде. Зыян күргән чит ил кешесен соңыннан туган иленә алып кайтканнар, диелә хәбәрдә.
