1 октябрьгә Татарстанның дәүләт бурычы күләме 123,5 млрд сумнан артык тәшкил иткән. Бу узган ай башына караганда 79,5 млн сумга кимрәк. Республика Финанс министрлыгында шул хакта хәбәр иттеләр.
Ведомство мәгълүматлары буенча, бу сумманың якынча 101 млрд сумы федераль бюджет кредитлары буенча йөкләмәләргә туры килә. Тагын 22,6 млрд - Татарстан Дәүләт гарантияләре буенча йөкләмәләр.
