Башкортстан башлыгы Радий Хәбиров Курайчылар дәүләт ансамбле концерт-презентациясендә яңа бәйрәмне гамәлгә кую турында карар кабул ителүе турында игълан итте. Моннан соң 10 октябрьдә Башкортстанда Курай көне билгеләп үтеләчәк. Бу хакта «Башинформ» хәбәр итә.
«Башкортостан» дәүләт концерт залында яңа коллективның беренче концерты бара, ул Башкортстан башлыгы карары белән оештырылган. Сәнгать җитәкчесе - Россиянең атказанган, Башкортстанның халык артисты Азат Айткулов.
Коллективны бу истәлекле көн белән котлап, республика башлыгы гастрольләргә бару өчен автобус бүләк итте.
Сәхнәдә башкорт халык көйләре, җырлар һәм биюләр башкарыла.
