Төркиянең көньяк-көнбатышындагы Фетхие шәһәрендә Санкт-Петербург туристлары утырган автобус әйләнеп капланган.
РИА Новости агентлыгы хәбәр иткәнчә, йөртүче идарәсен югалткан, аннары берничә тапкыр әйләнеп капланган. Артта утырган пассажирлар барысыннан да күбрәк зыян күргән.
Автобуста 14 кеше булган. Җиңелчә тән җәрәхәтләре алган пассажирларның барысы да аэропортка әйләнеп кайткан.