Хәрби хәрәкәтләрдә катнашкан кеше Россия Президенты була ала. Бу хокук РФ Конституциясендә беркетелгән. Мондый фикерне дәүләт башлыгының матбугат сәркатибе Дмитрий Песков әйтте. Аннан бу хакта «Геройлар вакыты» программасын тәмамлаган Артем Жоганың Уралда Тулы вәкаләтле вәкил итеп билгеләнүен шәрехләгәндә сорадылар.
Кремль вәкиленнән: «Хәрби операция ветераны киләчәктә Россия Президенты була аламы?» – дип сорадылар.
«Конституция буенча – була ала. Безнең Конституциядә дәүләтне кем җитәкли алуы төгәл язылган», – дип яза РИА Новости Песков җавабын.
Артем Жога белән РФ Президенты Владимир Путин очрашты. Россия лидеры яңа Тулы вәкаләтле вәкилнең «Геройлар вакыты» программасы буенча курсташлары һәм хәрби иптәшләре белән элемтә тотуны дәвам итү теләген хуплады.
