Бөтендөнья татар яшьләре форумы, әкият геройлары исеменә хокукны гамәлдән чыгаруны сорап, Роспатент башлыгы Юрий Зубовка үтенеч юллаган.
Татар яшьләре «Милли уенчыклар» компаниясен татар фольклоры геройлары исеменә хокуктан мәхрүм итүне сорый.
Компания театрларга әлеге исемнәрне кулланган өчен дәгъвалар җибәргән иде. «Әкият» театрыннан «Милли уенчыклар» оешмасы спектакльләрдә «Су анасы» һәм «Шүрәле» исемнәрен куллану өчен ярты миллион сум таләп итә.
Бүген мәдәният министры Ирада Әюпова «Су анасы» әкияте өчен акча сораучылар мәсьәләсенә аңлатма бирде.
