Бүген Актанышта халыкка социаль хезмәт күрсәтү комплекслы үзәгенең 25 еллыгын билгеләп үтелде. Бу хакта «Актаныш» сайтында Ләйсән Газизова яза.
1999 елның 23 августында «Игелек үзәге» ачылганнан бирле Актаныш районында күп кенә игелекле эшләр һәм үзгәрешләр шаһиты булдык.
Әлеге истәлекле вакыйга уңаеннан «Яшьлек» яшьләр үзәгендә иң яхшы һөнәр ияләрен хөрмәтләү узды. Район башкарма комитеты җитәкчесенең социаль мәсьәләләр буенча урынбасары Дилбәр Әнвәрова барлык белгечләрне, ветераннарны бәйрәм белән котлады, авыр һәм җаваплы хезмәтләрендә уңышлар теләде.
Фото: © Ләйсән Газизова/ «Актаныш-информ»
