Татарстан Рәисе Рөстәм Миңнеханов капиталь ремонт үткәрелгән Әлмәт сәүдә-икътисад техникумы тулай торагын карады. Бу хакта республика җитәкчесенең матбугат хезмәте хәбәр итә.
Ремонт эшләре гыйнвардан августка кадәр үткәрелгән. Тулай торак бинасы 1970 елда төзелгән. Төзекләндерү нәтиҗәсендә башка шәһәрләрдән килгән студентлар өчен 128 урын булдырылган, җәмәгать туклануы һәм кунакчыллык өлкәсендә эш күнекмәләрен яхшырту өчен уку лабораторияләре һәм остаханәләр тәртипкә китерелгән.
Техникумга 1968 елда нигез салынган. Бүген студентлар икътисад һәм бухгалтерлык исәбе, логистикада операцион эшчәнлек, товар белеме һәм куллану товарларының сыйфатына экспертиза үткәрү, туризм һәм кунакчыллык, иминият эше һ.б. юнәлешләр буенча белем ала. 56 ел эчендә техникумны 17 мең белгеч тәмамлаган.
