Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Томск шәһәрендә эш сәфәрендә. Биредә ул XXVII Федераль Сабантуйны уздыру урыннарын карады.
Лагерь бакчасының түбәнге террасасы һәм «Хезмәт» стадионы – Томсктагы ике кызыклы урын, аларның һәркайсының үз үзенчәлеге һәм атмосферасы бар, диелә Бөтендөнья татар конгрессы матбугат хезмәте хәбәрендә.
Лагерь бакчасының түбәнге террасасы – Томь елгасы ярында урнашкан паркның матур участогы. Бу урын табигатьтә ял итү, күңел ачу һәм пикниклар өчен бик яхшы туры килә. Түбән терраса еш кына җирле халыкны һәм туристларны үзенең спорт һәм мәдәни чаралары белән җәлеп итә.
«Труд» стадионы – ул Томск халкы арасында популяр күпфункцияле спорт аренасы. Биредә футбол уеннары, җиңел атлетика ярышлары һәм башка спорт төрләре уздырыла.