Төзүчеләр көне – фатирын ремонтлаган, йорт яки дача төзегән һәркем өчен дә бәйрәм. Россия вице-премьеры Марат Хөснуллин, тармак белгечләрен һәм әлеге һөнәр белән таныш булган һәркемне тәбрикләп, шулай дип белдерде.
Ул билгеләп үткәнчә, төзелеш илнең торак пунктларын үзгәртә, тормышның уңайлылыгын һәм сыйфатын арттыра.
«Һәм, әлбәттә, барлык төзүчеләргә дә рәхмәт әйтәм. Сез үз кулларыгыз белән илебез үсешенә гаять зур өлеш кертәсез, аның киләчәген төзисез. Бүген безнең алда амбициоз бурычлар тора, димәк, эшнең күп булачагына ышана аласыз!» - дип язган ул телеграм-каналында.
Вице-премьер Россия Президенты Владимир Путин һәм Премьер-министр Михаил Мишустинның тармакка игътибар күрсәткәне өчен аерым рәхмәт белдерде.