Тюрингия Премьер-министры Бодо Рамелов Европада иминлекнең яңа системасы кирәк һәм анда Россия дә кертелергә тиеш дип саный. Бу хакта ТАСС яза.
«Безгә Россияне дә кертә торган Европа тынычлык тәртибе кирәк. Монда катнашучы барлык дәүләтләр һөҗүм итмәү турында пакт төзергә һәм Европа континентында конфликтларны җайга салуга йөз тоткан оборона союзы булдырырга тиеш», – диде сәясәтче.
Рамелов әйткәнчә, ул НАТОга каршы түгел, әмма Европа оборонасы системасын реорганизацияләү кирәк дип саный.
«<...> Мин Бундесверның яхшы җиһазландырылуы яклы. Тик безгә, ниһаять, тулаем Европа турында уйларга кирәк, һәм шулай ук Россия дә моның бер өлеше булып тора», – диде ул.
Июнь башында Россия Президенты Владимир Путин илнең Тышкы эшләр министрлыгы җитәкчелеге белән очрашты һәм Евразиядә коллектив иминлекнең икеяклы һәм күпьяклы гарантияләре турында киң фикер алышыр вакыт җитте, диде.
