Россия Президенты Владимир Путин тимер юл транспорты эшчеләрен һәм ветераннарын Тимерьюлчылар көне белән котлады. Видеомөрәҗәгать Кремль сайтында чыккан.
«Сезгә хезмәтегез һәм эшкә тугрылык өчен рәхмәт белдерәм», – дигән дәүләт башлыгы.
Ул ил өчен стратегик әһәмияткә ия булган тимер юл тармагының ышанычлы, бердәм һәм өзлексез эшләвенә һәрбер эшче үз өлешен кертә, диде.
Россия тимер юллары тарихында ил файдасына хәрби һәм хезмәт батырлыгы, фидакяр хезмәт үрнәкләре бик күп, диде Владимир Путин.