Менделеевск районында эшсезлек дәрәҗәсе республикада иң түбәннәрдән берсе булып кала һәм 0,15 процент тәшкил итә (Татарстан буенча – 0,19 процент). Уртача хезмәт хакы арта һәм ул хәзер 72 мең сумга җитте. Менделеевск районы башлыгы Радмир Беляев ТР Инвестицион үсеш агентлыгында Талия Миңнуллина җитәкчелегендәге «Муниципаль сәгать» программасында шундый мәгълүматлар белән уртаклашты.
Спикер билгеләп үткәнчә, химия предприятиеләрендә эшләүчеләрнең хезмәт хакы күрсәткече тагын да югарырак (республика күрсәткече – 63,4 мең сум). Быел «Аммоний» предприятиесендә уртача хезмәт хакы 143 мең сумга җиткән.