Россия Президенты Владимир Путин Һава-десант гаскәрләре шәхси составын һәм ветераннарын Һава-десант гаскәрләре көне белән тәбрик итте. «Канатлы пехота» тарихы көчле холыклы геройларның исемнәренә һәм үлемсез батырлыкларына бай.
«Бүген ветераннарның патриотик традицияләре, хәрби антка һәм сугышчан туганлыкка тугрылыгы десантчыларның хәзерге буыны өчен лаеклы үрнәк булып тора, махсус хәрби операция барышында җаваплы бурычларны хәл итәргә булыша», - диелә дәүләт башлыгының Кремль сайтында урнаштырылган телеграммасында.
Путин десантчыларның алга таба да илебезнең бәйсезлеге сагында ышанычлы торачагына, шулай ук аның оборона сәләтен тәэмин итүгә өлеш кертәчәгенә ышаныч белдерде. Сүзенең ахырында ул хәрбиләргә Ватан иминлеген саклау эшендә уңышлар теләде.