Бүген көндез Казанда көчле яңгыр яуды, шул сәбәпле шәһәрнең үзәк урамнарын тагын су басты. «Татар-информ» укучылары су баскан урамнарның кадрлары белән уртаклашты.
Казанның төп җәяүлеләр урамындагы тротуарлар һәм юллар су астында калган диярлек. Моннан тыш, күршедәге Профсоюз урамын да су баскан. Бу урамда автомобильләр яртылаш су эченнән бара.
Элегрәк «Татар-информ» агентлыгы бу атнада Татарстанда тотрыксыз һава торышы көтелүе, яшенле яңгыр явачагы хакында хәбәр иткән иде.