Бердәм дәүләт имтиханын яңадан тапшырган вакытта тагын 122 чыгарылыш сыйныф укучысы 100 балл җыйган. Бу хакта РИА Новости агентлыгы Мәгариф һәм фән өлкәсендә күзәтчелек федераль хезмәтенә (Рособрнадзор) сылтама белән хәбәр итә.
Укучылар бер фәнне 4-5 июльдә кабат тапшырды, анда 105 меңнән артык кеше катнашты. Максималь балл туплаучыларның яртысына якыны башта ук югары балл җыйган.
«Шулай ук 81-99 балл категориясендәге 54 югары балл иясе дә БДИны 100 баллга тапшырды», - дип искәрттеләр ведомствода.
Максималь баллга күбесенчә информатиканы (20 кеше), шулай ук профиль математиканы (сигез) тапшырганнар.
Элегрәк Россия Президенты Владимир Путин югары уку йортларына кабул итү кампаниясе төгәлләнгәнче чыгарылыш сыйныф укучыларына бер фәнне яңадан тапшырып карау мөмкинлеген бирергә тәкъдим итте. Аның сүзләренчә, бу БДИны тапшыру процедурасын камилләштерергә ярдәм итәр иде.
