Казанның Парклар һәм скверлар дирекциясендә искәртүләренчә, фонтанда йөгерү һәм анда яланаяк керү тыела.
Мэрия социаль челтәрләрендә Горки-Әмәт урманындагы фонтаннарның агач түшәмәсенә (шуның аркасында «балалар таеп егыла») зарланып язылган шикаятьләр чыкты. Фотода күренгәнчә, балалар фонтанда яланаяк басып тора.
«Фонтанга килгәндә, анда йөгерү һәм яланаяк керү тыела, чөнки бу куркыныч – фонтаннан файдалану кагыйдәләре урын алган мәгълүмати стендта бу хакта мәгълүмат бар», - дип искәрттеләр башкарма комитетта.
Билгеләп үтелгәнчә, фонтандагы агач түшәмәләрне ремонтларга ниятлиләр. Такталар фонтаннан файдалану кагыйдәләрен бозу аркасында әледән-әле яраксыз хәлгә килә.
Казанның Тышкы төзекләндерү комитетында хәбәр итүләренчә, шәһәр фонтаннары тулаем алганда коену өчен билгеләнмәгән. Декоратив элементлар су керүчеләрнең иминлеген тәэмин итү өчен кирәкле таләпләргә туры китереп җиһазландырылмаган. Фонтанга керү сәламәтлек һәм тормыш өчен куркыныч тудыра.
Искәртеп узабыз, 2022 елда бер бала Горький паркындагы җырлый торган фонтанда коенган вакытта авыр тән җәрәхәтләре алган иде.
