Татарстанда РФ Саклану министрлыгы белән контракт төзегәннән соң, гражданин хәрби уку частенә эләгә. Шул вакыттан бер ай эчендә аның картасына бөтен сумма килеп ирешәчәк. Бу хакта «Батыр» контракт буенча хезмәткә сайлап алу үзәге җитәкчесе урынбасары Тимур Сафин «Җиңү армиясенә кушыл!» телемарафонында сөйләде.
«Бер тапкыр бирелә торган 1,5 миллион сумга кадәр түләү хәрбиләргә уку частенә килгәннән соң бер ай эчендә киләчәк», — дип хәбәр итте спикер.
Ул ассызыклаганча, РФ Саклану министрлыгы белән контракт төзү турында төгәл карар кабул иткәнче, уйларны тәртипкә салырга, авыр шартларга һәм өй белән гаиләдән еракка аерылып китәргә әзер булырга кирәк.
Контракт төзү өчен паспорт, СНИЛС, хәрби билет, язылышу турында таныклык, МИР түләү системасы белән карта (алар гражданин анда керсә) һәм бала туу турында таныклык (әгәр балаларга әле 18 яшь тулмаган булса) кирәк.
Хәзер потенциаль хәрбиләр өчен контракт нигезендә хезмәт итү буенча тагын да яхшырак шартлар тәкъдим ителә. Татарстанда бер тапкыр 1,5 миллион сумга кадәр акча алырга була, һәр ай саен хәрбиләргә 210 мең сумнан артык акча түләнә. 2024 елның июнь-июль айларында арттырылган түләүләр алырга мөмкин.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була.
