2024 елның беренче 4 ае нәтиҗәләре буенча Татарстанда гаилә коручыларның һәм аерылышучыларның саны кимү теркәлгән. Бу хакта Татарстанстат республиканың социаль-икътисади хәле турында әзерләгән докладта белдерелә.
Гыйнвар-апрель айларында республикада 5209 никах теркәлгән. Гаилә корырга теләүче парлар, 2023 елның шул ук чоры белән чагыштырганда, 37гә кимрәк булган. Шулай итеп, узган елга караганда туйлар саны 0,7 проценттан артыкка кимегән.
Шул ук вакытта төбәктә 4271 аерылышу очрагы теркәлгән, бу 2023 елның беренче 4 аена караганда 579га азрак булган. Шулай итеп, узган ел белән чагыштырганда таркалган гаиләләр саны якынча 12 процентка кимегән.
Нәтиҗәдә, Татарстанда 1 мең кешегә никахлар саны 4,0дан 3,9га, яки 2,5 процентка, ә аерылышулар саны 3,7дән 3,2гә, яки 13,5 процентка азрак туры килә. 2023 елда да язылышу һәм аерылышу очракларының кимүе күзәтелгән.
«Татар-информ» хәбәр иткәнчә, шул ук вакытта Казанда соңгы ярты елда аерылышулар саны 22,6 процентка азрак булган.
